Бизнесни бошқараётганларда — хоҳ бу йирик компания бўлсин, хоҳ стартап — муайян иш тамойиллари ва ишланмалар бор. Эҳтимол, уларда компания ўзининг ташриф қоғозига айлантирган мижозлар билан ишлаш методикаси ҳам мавжуддир. Бу бозорда рақобатбардош устуворликни берадиган билим ва кўникмалар мажмуидир.
Мисол учун, кимдир қаҳвахоналар тармоғини бошқаради ва ундан франшизани бошқа ҳудуддаги тадбиркорлар харид қилмоқда. Раҳбарнинг мақсади — барча янги қаҳвахоналарда хизмат кўрсатиш ва бизнесни юритишнинг ягона стандартларига амал қилинишини таъминлашдан иборат. Натижада ҳар бир инсон исталган шаҳардаги кафега кириб, ўзи ўрганган хизмат кўрсатиш сифатига муяссар бўлиши мумкин.
Бизнесни ривожлантириш учун ходимларга ўргатилиши керак бўлган қоидалар ва билимларни тизимлаштиришга ёрдам берадиган восита керак.
Бу эса корпоратив таълимни тақозо этади. Яқин вақтгача у ҳамма жойда кундузги шаклда ўқитилган эди: ходимлар янги келганларни ўзлари ўқитишган ёки компания бизнес бўйича махсус тренерларни ёллашган. Бироқ, биринчиси ҳам, иккинчиси ҳам — харажатли.
Шунинг учун сўнгги беш йил ичида компаниялар кундузги ўқитиш шаклидан секин-секин воз кечишмоқда. Унинг ўрнига онлайн-таълим кириб келмоқда, бу эса онлайн технологияларни қўллаган ҳолда масофадан ўқитиш орқали амалга оширилади.
iSpring компанияси эксперти Илья Кедровский корпоратив онлайн-таълим ҳал қилишга ёрдам берадиган бир нечта вазифаларга тўхталиб ўтди.
Долзарб билимларни «қадоқлаш»
Агар компания онлайн-таълим платформасидан фойдаланса, демак унинг билим ва алгоритмлари рақамлаштирилган ва ходимлар улардан исталган вақтда фойдалана олади. Just in time learning (билим олиш вақти) деб номланган тренд бор.
Дейлик, ходим олдида янги вазифа ёки муаммо турибди. У ҳамкасбларини ишдан чалғитиши, ёрдам сўраши мумкин ёки платформага кириб, ушбу вазифани қандай бажариш кераклиги бўйича йўриқномани топиши ва уни мустақил бажариши мумкин.
Масалан, битта йирик чакана савдо билан шуғулланувчи компания ўзининг савдо вакиллари учун кўрсатмалар шакллантирди. Бунда одам дўконга келганида иловага кириб, ўзи амалга ошириши керак бўлган ҳар бир қадамни кўриб туради. Биринчи қадам — «Маҳсулотшуноc билан танишинг» ва тартиб бўйича кейинги амалларни бажаринг. Бундай таълимнинг технологик ечимларига талаблар бор: улар вақтни тежашга ёрдам беради, ходимлар эса амалиётда тажриба орттиради.
Таълим контентини мустақил шакллантириш қийинчилик туғдирмайди. Бу вазифани осонлаштирадиган воситалар кўп. Масалан, iSpring Suite конструктори интерфаол элементлар ва сифатли дизайнга эга бўлган тўла онлайн-курсни базавий компьютер саводхонлигига эга бўлган ҳар бир инсон ўргана олиш имконини беради.
Ўқитиш харажатларини тежаш
Агар компанияда аввал корпоратив таълим бўлмаган бўлса, унда унинг жорий этилиши — бу, албатта, қўшимча харажат ҳисобланади. Аммо келгусида бу раҳбарга янги ходимларни ёллашда тежамкорликка эришиш имконини яратади.
iSpring`нинг россиялик мижози амалиётидан мисол: унда бир нафар ходимни ёллаш харажати бир неча минг рублни ташкил қилган — улар тренерга, хона ижарасига тўлашган. Онлайн-таълим учун платформа яратилганидан сўнг бу ёллаш нархи бир ходим учун 179 рублгача тушди.
Агар компания кундузги корпоратив таълимни қўлласа, унда онлайн-таълимга ўтиш ходимларни оммавий тайёрлаш учун сарфланадиган маблағларни 80 фоизгача тежашга ёрдам беради.
Бизнесни кенгайтириш
Агар компания янги бўлинмаларни очса, бозорга янги маҳсулотларни олиб чиқса ёки ходимлар сонини оширса, амалга оширилиши керак бўлган қадамлардан бири — бу янги ходимларни мослаштиришдир. Зеро улар меҳнат бозоридан келганлиги боис компаниянгиз, унинг қадриятлари ҳақида ҳеч қандай тасаввурга эга эмас, ички тартиб-қоидалар билан танишмаган.
Стандарт HR-жараёнлар — бу бизнеснинг контекстига янги инсонни қамраб олиш, уни маҳсулотлар билан таништириш, компанияда ишлаш қоидаларини тушунтиришдир. Шу тариқа инсон корпоратив маданиятга осон шўнғиб, самарали ишлай бошлайди. Агар компанияга фақат битта янги инсон келса, уни кундузги шаклда ўқитса ҳам бўлади. Лекин компания йирик бўлса ва у юзлаб янги ходимларни ёлласа, уларга керакли маълумотни тўла ҳажмда имкон қадар тезроқ етказиш ва улар уни қандай ўзлаштирганини текшириб туриш керак.
Онлайн-таълимда раҳбарлар юзлаб ходимларга кириш курсини ўқиши ва имтиҳонларни ўтказиши керак эмас. Бунинг учун улар иловани юклаб, кириш курсларини ўтиши ва якунда тестларни бажариши мумкин.
Ягона стандартларни жорий этиш
Одамларга йирик тармоқ дўконлари ва ресторанлар ёқади, чунки улар у ердаги хизмат кўрсатиш сифати билан яхши таниш. Филиаллар қайси шаҳар ёки мамлакатда жойлашмасин, улардаги хизмат кўрсатиш даражаси деярли бир хил бўлади. Агар бизнес кенгайса ва унинг филиаллари кўп бўлса, ҳар бир дўкон ёки ресторандаги ходимлар бир хил стандарт бўйича ишлашига қандай эришса бўлади?
Онлайн курслар — бу тармоқнинг барча ходимларини аниқ ва тезкорлик билан юқори самарадорликда ўқитиш, ўзгаришлар ва янгиликлар ҳақида мунтазам гапириб бориш, олинган маълумотларни қандай эгалланганлигини текшириш усули. Бошланишига дизайни соддароқ бўлган онлайн-курсни танлаш мумкин. Зеро у бизнесга қўйилган мақсадларга тезроқ эришиш учун оддийроқ бўлсин. Бу слайдга 100 бетли ҳужжатни жойлаштириш мумкин дегани эмас. Бу ерда педагогик дизайн қоидаларини билиш мақсадга мувофиқ. Онлайн-курсларни яратишда мутахассисга айланиш учун iSpring академиясида икки ой ўқиш етарлидир.
Кадрлар захирасини яратиш
Кўпинча компания бошқарув лавозимларга ходимларни топишга қийналади, чунки бу компаниянинг қадриятларини тушунадиган ва жамоа билан ишлай оладиган маълум билим, кўникма ва малакага эга бўлган шахс бўлиши лозим. Бизнесга компания ичида ходимларни «улғайтириш» анча осонроқ ва хавфсизроқ ҳисобланади, чунки улар иш берувчига «кўчадан келган» одамга қараганда кўпроқ ишонади.
Агар раҳбар бўлажак топ-менежер қандай кўникма ва билимларга эга бўлиши кераклигини тушунса, бу малакаларни эгаллашни ходимни ривожлантириш стратегиясига киритса бўлади. Онлайн таълим платформаси ёрдамида батафсил статистикани шакллантирса бўлади: ходимлар таълим олишни қандай уддалаётганини билиш ва энг яхши номзодларни танлаш мумкин.
Ходимлар ишончини ошириш
HR`нинг вазифаси — инсонни шунчаки ёллаш эмас, балки компанияда ўз ўрнини топишга кўмаклашиш, имкон қадар самарали ишлашни ўрганиш ва иложи борича узоқ йиллар ишлаш. Шунинг учун янги ходим ишни бошлаётганда ўзини йўқотиб қўймаслиги, компанияда «ўсишни» давом эттириши, ўз зиммасига кўпроқ вазифани олиши жуда муҳим. Онлайн таълим учун мўлжалланган платформа ёрдамида ходимларни ўқитиш траекториясини белгилаб олиш лозим.
Масалан, кириш welcome курсларидан сўнг улар бизнес мақсадларга эришиш учун зарур бўладиган қўшимча билим ва кўникмаларга эга бўлади. Агар ходимнинг лавозими ошса ёки у бошқа бўлимга ўтса, платформа унга ўз хизмат вазифаларини ойдинлаштириб олиши учун ўтиши керак бўлган курслардан фойдаланиш имконини яратади.
Баъзи компаниялар ходимга курсларни мустақил танлаш ва таълимнинг ўз траекториясини тузиш имконини беради. Кейинчалик унинг қизиқиш ва кўникмаларидан келиб чиқиб, унга карьерани давом эттиришнинг ҳар хил вариантлари тақдим этилади.
Корпоратив онлайн-таълим ҳақида кўпроқ маълумотга iSpring сайтида эга бўлса бўлади.
Реклама ҳуқуқлари асосида.
