Футбол бўйича Ўзбекистон миллий терма жамоаси ўртоқлик учрашувида Россия терма жамоаси билан дуранг ўйнади. 20 ноябрь куни Тошкентдаги «Пахтакор» стадионида бўлиб ўтган ўйин 0:0 ҳисобида якунланди.
Бунгача Ўзбекистон ва Россия терма жамоалари расмий ўйинларда тўқнаш келишмаганди.
Россиянинг Украинага бостириб кириши сабабли Россия шу кунга қадар санкциялар доирасида ФИФА ва УЕФАнинг барча турнирларидан четлаштирилган.