Россиянинг Тамбов вилоятида Москва жануби-ғарбида аёл кишини ўлдирганликда гумон қилинган 25 ёшли эркак қўлга олинди, деб хабар берди Москва прокуратураси.
18 ноябрь, жума куни эрталаб Севастопольский проспектида «Зюзино» метро бекати яқинида полиция ходимлари донецклик 1993 йилда туғилган Юлия Ткачеванинг жасадини топди, деб хабар бермоқда РФ Тергов қўмитасининг Москва бўйича Бош тергов бошқармаси. Мазкур ҳолат юзасидан «Қотиллик» моддаси билан жиноят иши қўзғатилган.
Жабрланувчининг уйи ёнидан топилган жасадда пичоқ жароҳатлари бор эди, дея хабар қилди РФ ИИВ расмий вакили Ирина Волк.
Россия Тергов қўмитасининг «Газета.uz»га маълум қилишича, қўлга олинган Шоҳрухбек Каримов Ўзбекистон фуқароси.
Терговчилар воқеа жойини ва видеокузатув камераларини ўрганди.
Бир кун аввал Ткачева Бирюлёво Западное туманидаги милиция бўлимига уни йигит таъқиб қилаётгани ва кўчага чиқишга қўрқаётгани ҳақида мурожаат қилган.
Жиноят тергови Москва прокуратураси томонидан назорат қилинади
