Тошкентдаги Фарҳод кўчасининг бир қисми 5 кунга ёпилади, дея хабар қилмоқда пойтахт ҳокимлиги матбуот хизмати.
Қайд этилишича, йўл-таъмирлаш ишлари олиб борилаётганлиги сабабли 17 октябрь соат 22:00 дан 21 октябрь соат 07:00 га қадар Фарҳод кўчасининг Кичик ҳалқа автомобиль йўлидан Лутфий кўчасигача бўлган қисми қисман ёпилади.
Ҳайдовчилардан айланма йўллардан фойдаланиш тавсия қилинмоқда.
