Давлат солиқ қўмитаси тақдим этган статистикага кўра, 2022 йил 1 октябрь ҳолатига солиқ органларида 96 мингдан ортиқ турар жой ижара шартномаси рўйхатга олинган.

Мавжуд маълумотлар таҳлили Тошкент шаҳрида уй-жой ижараси ўртача ойлик 1 млн сўмдан кўпроқни ташкил қилишини кўрсатди.

Ҳудудларда ижара ҳақининг ўртача миқдори 630 минг сўмдан 977 минг сўмгача.

Республикада ижарага берилган турар-жой обектлари 2 млн сўмдан 5 млн сўмгача — 3 240 та, 5 млн сўмдан ортиқ — 255 тани ташкил этади.

«2022 йил учун Ўзбекистон Республикасининг Давлат бюджети тўғрисида»ги қонун билан: солиқ солиш мақсадида 2022 йилда кўчмас мулкни ижарага берувчи жисмоний шахслар учун 1 кв. метр яшаш майдони:

  • ️Тошкент шаҳрида — 15 500 сўм;
  • ️Нукус ва вилоят марказларида — 9 500 сўм;
  • ️бошқа аҳоли пунктларида — 4 000 сўм этиб белгиланган.

Мол-мулкни ижарага беришдан олинган даромадлар мулкий даромадлар таркибига киради ва 12% ставкада жисмоний шахслардан олинадиган даромад солиғига тортилади. Турар-жойларни талабаларга ижарага берган фуқаролар ушбу даромади учун жисмоний шахслардан олинадиган даромад солиғи тўламайди.

Жисмоний шахслар ижара шартномаларини Солиқ мобил иловасида ҳисобга қўйиши мумкин.