Стокгольмда жойлашган швед Қироллик Фанлар академияси адабиёт бўйича 2022 йилги Нобель мукофотини 88 ёшли француз ёзувчиси Анни Эрно топширди.

Ёзувчи мукофотга ўзининг «шахсий хотиранинг жамоавий чекланиши ва бегоналашувининг чуқур илдизларини очиб беришдаги жасорати ва ўткир зеҳни» учун лойиқ деб топилди.

BBC нашрининг хабар беришича, жорий йилда фаворитлар рўйхати бироз ўзгарган, жумладан франциялик ёзувчилар Мишель Уэльбек ва Мариз Конде, япониялик Харуки Мураками, шоира Энн Карсон ва канадалик ёзувчи Маргарет Этвуд.

Бу йил яна кўп йиллик икки номзодларга — ҳужумга учраган (асли ҳиндистонлик) британиялик ёзувчи Салмон Рушди ва Украинадаги урушга қарши чиққан рус ёзувчиси Людмила Улицкаяга сезиларли даражада кўпроқ эътибор қаратилди.

Naked science нашрининг хабарига кўра, швециялик олим ва ихтирочи Алфред Нобелнинг хоҳишига кўра, мукофот ушбу соҳада «идеалистик йўналишдаги энг ажойиб асар» яратган кишига берилиши керак. Лауреат Швеция академиясининг 18 аъзоси томонидан танланади.

1901 йилдан 2021 йилга қадар адабиёт йўналишидаги Нобель мукофотини 118 нафар номзодлар олган бўлиб, улар қаторида Морис Метерлинк, Ромен Роллан, Кнут Гамсун, Анатоль Франс, Бернард Шоу, Томас Манн, Иван Бунин, Герман Гессе, Уильям Фолкнер, Эрнест Хемингуэй, Альбер Камю, Борис Пастернак, Джон Стейнбек, Жан-Поль Сартр, Михаил Шолохов, Александр Солженицын, Габриэль Гарсиа Маркес, Уильям Голдинг, Иосиф Бродский, Гюнтер Грасс, Дорис Лессинг мавжуд.

Энг ёш лауреат британиялик ёзувчи Рудярд Киплинг (1907 йилда мукофотни олиш пайтида у 41 ёшда эди), энг ёши каттаси эса Дорис Лессинг бўлиб, у 2007 йилда 88 ёшида мукофотга сазовор бўлган.