Ижтимоий тармоқларда Бувайда туманида Gentra ҳайдовчиси прокуратура биноси олдида қарама-қарши йўлга чиқиб ҳаракатлангани акс этган видео тарқалди. Бош прокуратура матбуот хизмати «Газета.uz»га ҳолат юзасидан маълумот берди.
Аниқланишича, 25 сентябрь куни соат 20:30 атрофида Бувайда тумани А.Навоий кўчасида 2001 йилда туғилган С.Р. хайдовчилик гувоҳномаси бўлмаган ҳолда отасига тегишли 40 Р 478 АВ давлат рақамли Lacetti-2 машинасида «шоу» кўрсатган.
Фуқарога нисбатан Йўл ҳаракати қоидаларининг 7- ва 65-бандларини қўпол равишда бузгани учун маъмурий баённома расмийлаштирилди. Автомобиль вақтинча сақлаш учун МЖтКнинг 291-моддасига асосан жарима майдонига жойлаштирилди.
