2022 йилнинг 1 сентябридан бошлаб Ўзбекистонда автомобилларни бошқариш ҳуқуқи учун ишончномани Ягона интерактив давлат хизматлари портали (ЯИДХП, my.gov.uz) орқали электрон шаклда бериш имконияти жорий этилди.
Электрон ишончномани беришда уни нотариус тасдиқлаши шарт эмас. Ишончнома ЯИДХП учун ариза тўлови амалга оширилганидан сўнг дарҳол олиниши мумкин. Юклаб олинган ишончномани чоп этиш шарт эмас: ЙҲХБ ходимлари уни планшет орқали текшириша олади. Аммо ишончномани чоп этиш ва уни ўзингиз билан олиб юрганингиз маъқул. Баъзида ЙҲХБ маълумотлар базаси ишламай қолиши мумкин, шунинг учун ходимлар ишончномангизни онлайн текшира олмайди ва муаммолар пайдо бўлиши эҳтимоли йўқ эмас.
«Газета.uz» Payme билан ҳамкорликда смартфон ёрдамида керакли муддатга электрон ишончнома расмийлаштириш ва унга тезда тўлов қилиш ҳақида батафсил сўзлаб беради.
ЯИДХПдан рўйхатдан ўтиш
My.gov.uz сайтига киринг ва рўйхатдан ўтиш учун «Кириш» тугмасини босинг.
Ягона идентификация тизими (id.egov.uz) орқали кириш учун «Кириш» тугмасини босинг. Ўзингизнинг логинингиз ва паролингизни киритинг, сўнг яна «Кириш» тугмасини босинг. Агар тизимда ҳали аккаунтингиз бўлмаса, рўйхатдан ўтишингиз керак бўлади.
Ишончномани расмийлаштириш
ЯИДХПдаги соҳалар рўйхатидан «Адлия» бандини танланг, унинг ичидан эса «Автотранспорт бошқаруви учун электрон ишончнома олиш» бандига босинг.
Ишончнома қиймати у амал қиладиган муддатга боғлиқ:
- бир ойгача — БҲМнинг 0,3 баравари (23 сентябрь ҳолатига кўра, 90 минг сўм);
- олти ойгача — БҲМнинг 1,5 барвари (450 минг сўм);
- уч йилгача — БҲМнинг 3 баравари (900 минг сўм).
Тақдим этилаётган хизмат бўйича барча шартларни ўрганиб чиқинг ва «Хизматдан фойдаланиш»ни босинг.
Биринчи қадамда оммавий оферта билан танишинг ва «Кейингиси»ни босинг.
Рўйхатдан ўз автомобилингизни танланг: бу ерда номингизга расмийлаштирилган барча автомобиллар автоматик равишда кўрсатилади. Бунда паспортингиз маълумотлари ҳам дарҳол юкланади. Қуйида эса яшаш ҳудуди ва туманини кўрсатинг.
Ишончноманинг амал қилиш муддатини танланг: 1 ой, 6 ой ёки 3 йил. Ишончноманинг бошланиш санасини белгиланг. Тугаш санаси автоматик равишда ўрнатилади. Телефон рақамингизни киритинг ва «Кейинги»ни босинг.
Ишонч билдирилаётган шахсларни киритиш
Ушбу босқичда ишончнома берилган ҳайдовчилар ҳақидаги маълумотлар киритилиши керак. Бу ерда бир вақтнинг ўзида бир нечта ишончнома берилган шахсларни белгилашингиз мумкин.
«Қўшиш» тугмасини босинг ва ишонч билдирилаётган шахснинг ЖШШИР, паспорт (ID-карта) серияси ва рақамини, шунингдек, унинг туғилган санасини киритинг. Шундан сўнг, «Тўлдириш» тугмасини босинг. Унинг паспорт маълумотлари автоматик равишда юклаб олинади.
Ишончнома берилган шахснинг шахсини тасдиқловчи ҳужжат турини танланг ва «Сақлаш» тугмасини босинг. Шундан сўнг, ишонч билдирилувчи шахс дарҳол рўйхатда пайдо бўлади. Агар ишончномага яна бировни киритиш керак бўлса, амалларни такрорланг.
Барча ишончли шахсларни киритгандан сўнг, «Кейингиси» тугмасини босинг.
Навбатдаги босқичда SMS-хабарномаларни олишга розилик учун катакчани белгиланг. Ишончномани олмоқчи бўлган тилни танланг. Ариза берувчи ва ишонч билдирилган шахслар ҳақидаги барча маълумотларни қайтадан текширинг ва «Юбориш» тугмасини босинг.
Тўловга тайёргарлик экранида, агар янги ишончнома расмийлаштираётган бўлсангиз, «Янги инвойс олинг» бандини танланг, сўнг «Юбориш» тугмасини босинг.
Ишончнома учун ариза дарҳол «Тўлов жараёнда» ҳолати билан тузилади.
Ишончнома учун тўлов
Ариза учун тўловни амалга оширишнинг икки йўли мавжуд.
1. QR-код орқали тўлов. Илова тавсифидаги зарғалдоқ рангли «Тўлов тафсилотлари» тугмасини босинг.
Пастга ўтинг ва квитанцияни юклаб олиш тугмасини босинг. Олинган квитанцияни чоп этинг.
Payme тўлов иловасини очинг, асосий экранда QR-тўловни танланг ва чекдаги QR-кодни сканерланг. Керакли банк картасини танланг ва «Тўлаш» тугмасини босинг.
Тўлов учун комиссия — 1%.
2. Инвойс рақами бўйича тўлов. Илова тавсифида сариқ рангли «Тўлов тафсилотлари» тугмасини босинг.
Инвойс рақамини ва тўлов миқдорини ёзиб олинг. Пайме тўлов иловасини очинг, «Тўлов» тугмасини босинг ва хизматлар рўйхатидан «Давлат хизматлари агентлиги»ни танланг.
Тўлов турини танланг, инвойс рақамини ва тўлов миқдорини киритинг, сўнг «Давом этиш» тугмасини босинг. Керакли банк картасини танланг ва «Тўлаш» тугмасини босинг.
Тўлов учун комиссия миқдори 1 фоизни ташкил қилади.
Ишончномани қайта ишлаш ва тақдим этиш
Тўловдан кейин аризани кўриб чиқиш бир неча дақиқа вақт олиши мумкин. Муваффақиятли кўриб чиқилганидан сўнг сиз SMS-хабар оласиз.
Асосий менюда «Менинг аризаларим» бўлимига ўтинг, «Юборилганлар» бандини танланг ва рўйхатдаги аризангизнинг устига босинг.
Тўлов амалга оширилган ариза «Кўриб чиқилган» ҳолати билан кўрсатилади. Пастроқда эса электрон ишончномани юклаб олиш имконияти пайдо бўлади.
Бу ерда сиз яратилган ишончномани смартфонингизга юклаб олишингиз ва керак бўлса чоп этишингиз мумкин.
Ҳамкорликда тайёрланган материал.
