Mareven Food Holdings Ветнам-Япония халқаро холдинги «Ангрен» эркин иқтисодий зонасида йирик ишлаб чиқариш мажмуасини ташкил этиш ниятида, деб хабар бермоқда Давлат солиқ қўмитаси матбуот хизмати. Тегишли меморандум томонлар томонидан 27 сентябрь куни имзоланган.
Лойиҳа бир неча босқичда бажарилади. Бунда ишлаб чиқаришни ишга туширишнинг биринчи босқичи 2023 йилга, якуний қисми 2031 йилга мўлжалланган.
«Улар бизни танлади, биз инвесторларни рад этмаймиз. Уларга бизнинг зонамиз, Тошкентга яқин бўлгани учун ҳам ёқди. Корхона 30−40 гектар майдонни эгаллаши режалаштирилган, аммо бу якуний кўрсаткич эмас. Ҳозирда инвестициялар ҳажми 125 млн долларни ташкил этади», — дея «Ангрен» ЭИЗ «Газета.uz»га хабар берди.
Инвестор маҳсулотнинг 50 фоиздан ортиғи ички бозорга, қолгани эса энг яқин давлатларга экспорт қилинишини кутмоқда. Тез тайёрланадиган лапшадан ташқари, макарон маҳсулотлари, ичимликлар, консерва ва соуслар ишлаб чиқариш режалаштирилган.
Якуний босқичда компания 800 дан ортиқ ишчиларни жалб этиш ниятида. ЭИЗ шартларига кўра, ходимларнинг камида 90 фоизи Ўзбекистон фуқаролари бўлиши керак.
