29 август, душанба куни Ўзбекистон президенти Шавкат Мирзиёев душанба куни Урганч шаҳри Хоразм вилояти маъмурий марказига етиб келди.
Давлат раҳбарининг хабар беришича, у Урганч шаҳрида буюк саркарда ва давлат арбоби Жалолиддин Мангуберди ҳайкалининг тантанали очилиш маросимида иштирок этади. Бу ҳақда унинг матбуот котиби Шерзод Асадов хабар берди.
Ҳайкал бир неча ой олдин ўрнатилган бўлишига қарамасдан, бу вақт оралиғида мато билан ўралган ҳолда сақланди. Шунга қарамасдан, ёдгорлик жойлашган шаҳарнинг марказий майдони аҳоли орасида жуда машҳур. Ҳар куни турли ёшдаги одамлар салқинликдан баҳраманд бўлиш учун бу ерга йиғилишади.
Ҳайкал Ал-Хоразмий кўчасидаги майдонда, 2021 йилнинг декабрида фойдаланишга топширилган янги туннелнинг тепасида жойлашган.
Ёдгорлик бир неча ой матога ўралган ҳолда турди. Фото: Азамат Атаджанов / «Газета.uz».
Отда ўтирган Жалолиддин Мангуберданинг 25 метрлик бронза ёдгорлигини яратиш устида россиялик усталар иш олиб боришган (видео).
Фото: Миролим Исажонов / «Газета.uz».
2021 йилнинг январида Урганч шаҳрининг марказий майдони янгидан қурилиши, майдон марказида эса Жалолиддин Мангубердининг 25 метрлик катталикдаги ҳайкали ўрнатилиши маълум бўлганди.
Ўшанда мазкур лойиҳа президент ташаббуси билан амалга оширилгани таъкидланганди. Бироқ, ҳозиргача Шовот каналининг нариги томонида ўрнатилган Жалолиддин Мангуберди ҳайкали тақдири ҳақида бирор маълумот очиқланмади.
Ўтган йили эълон қилинган лойиҳага чизмасида, шунингдек, эски почта биноси бурчагидаги эски курантни эслатувчи жой ва ҳозирда қад ростлаган курантлар акс эттирилмаганди.
