2022 йилнинг 9 август куни Тошкент шаҳар Муқимий кўчасида жойлашган биноларнинг бирида ёнғин юз берди. ФВВнинг баёнот беришича, 4 та ёнғин-қутқарув экипажи ҳодиса жойига етиб борган.
Янги қурилаётган 4 қаватли бинода ёнғин содир бўлган ҳудуд соат 12:43 да қуршаб олинган ва соат 12:50 да бартараф этилган.
Ёнғин натижасида бинонинг томи ички қоплапмасига синтепон билан ишлов берилган қисмининг тахминан 900 кв.м. майдони ёниб зарарланган.
Ёнғин оқибатида фуқароларни тан жароҳати олиш ва ҳалок бўлиш холатлари йўқ. Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда, дея хабар берилади.
