«Ўзбекнефтгаз» акциядорлик жамияти 2024 йилгача режалаштирилган акцияларни оммавий жойлаштиришни молиявий бозорлардаги вазият барқарорлашган вақтга кўчириши мумкин, деб хабар берди компания матбуот хизмати.
23 июль куни «Ўзбекнефтгаз» акциядорлик жамияти раҳбарияти ва Rothschild & Cie инвестиция компанияси IPO`га тайёргарлик жараёнини муҳокама қилди.
«Капитал бозорларининг ҳозирги ўзгарувчанлигини ҳисобга олиб, маслаҳатчилар асосий эътиборни тайёргарлик жараёнига қаратишни ва молия бозорларидаги вазият барқарорлашгандан кейин IPO`га чиқиш режаларини қайта кўриб чиқиш зарурлигини тавсия этишди», — дейилади хабарда.
Томонлар 2022 йил охиригача «Ўзбекнефтгаз» акциядорлик жамиятининг дастлабки ва ижобий фикрни шакллантириш учун потенциал тўғридан-тўғри инвесторлар билан учрашув ташкил этиш имкониятини ҳам кўриб чиқишди.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Эслатиб ўтамиз, 2019 йил июль ойида Шавкат Мирзиёев тегишли идораларга 2024 йилгача «Ўзбекнефтгаз» акциядорлик жамиятинининг халқаро бозорларда IPO`сини ташкил этиш бўйича топшириқ берган эди. Бунда жамият устав капиталидаги камида 51 фоиз улуш давлатда қолади. Кейинроқ президент IPO`га тайёргарликни 2022 йил охиригача якунлаш бўйича топшириқ берди.
