Шри-Ланкадаги иқтисодий инқирозлар туфайли 9 июль куни содир бўлган оммавий норозиликлар фонида мамлакат президенти Готабая Ражапакса 13 июль куни истеъфога чиқишини эълон қилди. BBC нашри Шри-ланка раҳбари хотини ва қўриқчилари ҳамроҳлигида Ан-32 ҳарбий самолётига ўтиргани ва Мальдив оролларига қараб йўл олгани ҳақида хабар берди.
Шанба куни оломон президент қароргоҳига бостириб кирганидан сўнг, унинг қаерда эканлиги номаълумлигича қолаётганди. Намойишчилар давлат раҳбари ҳамда бош вазир Ранил Викрамасингхенинг истеъфосини талаб қилишганди.
BBC манбалари президентнинг укаси, собиқ молия вазири Базил Ражапакса ҳам мамлакатдан чиқиб кетганини маълум қилди.
Мамлакат парламенти янги президентни 20 июль куни сайлашни режалаштирмоқда.
Мамлакат Конституциясига кўра, давлат етакчиси истеъфога чиқса, унинг ваколатларини вақтинча бош вазир амалга ошириши шарт. Бош вазир парламентда президентнинг ўринбосари ҳисобланади. Бироқ, BBC`нинг қайд этишича, Ранил Викрамасингхе ҳам таниқли бўлмаган сиёсатчилар қаторида.
9 июль куни намойишчилар унинг шахсий қароргоҳини ҳам ёқиб юборишди. У бирлик ҳукуматига йўл очиш учун истеъфога чиқишини маълум қилди, лекин аниқ санасини айтмади.
Шри-Ланка аҳолиси норозиликларининг сабаби
Шри-Ланка 1948 йилда Буюк Британия назорати остидан чиққандан бери оғир иқтисодий инқирозни бошдан кечирмоқда. Мамлакатда ёқилғи, озиқ-овқат маҳсулотлари ва дори-дармонлар етишмовчилиги юзага келган, дея таъкидлади BBC.
Ўтган ҳафтада ҳукумат мамлакатда асосий вазифаларни бажаришдан ташқари бўлган барча транспорт воситаларига ёқилғи сотишни тақиқлаб қўйди. Гап автобуслар ва поездлар, қолаверса, фавқулодда ҳолатларга тегишли автомобиллар ҳақида кетмоқда.
Мамлакатда мактаблар ёпилган, ракни даволаш ва бошқа тиббий муолажаларни ўтказиш тўхтаб қолган, кўплаб оилаларни эса қийинчилик билан бир кунда бир маҳал овқатланишга қурби етади.
Шунингдек, бензин, дизел ёқилғиси, озиқ-овқат ва дори-дармонларни ўз ичига олган зарур товарларнинг кескин етишмовчилиги мавжуд. Ҳукумат уларни чет елга сотиб ололмайди, чунки у валюта тугамоқда, деб ёзмоқда нашр. Самарасиз давлат сиёсати ва коронавирус пандемиясининг таъсири туфайли мамлакатнинг туризмдан келадиган даромадлари кескин камайиб кетган. Май ойида Шри-Ланка ўзининг тарихида илк бор давлат қарши бўйича дефолтни эълон қилди, мамлакат суверен облигацияларнинг фоизини — 78 млн долларни ўз вақтида тўлай олмади.
