УЕФА ўзининг Instagram`даги саҳифасида Конференциялар лигаси 2021−2022 йилги мавсум якунларига кўра, турнирда энг юқори тезликни қайд этган футболчилар рўйхатини эълон қилди.
Италиянинг «Рома» клуби ҳужумчиси, ўзбекистонлик Элдор Шомуродов ўтган мавсумда 33,6 км/соат тезлик қайд этиб, Европа Конференциялар лигасининг энг тезкор ўйинчиси бўлди.
Шомуродовдан кейинги ўринларда Сирил Дессерс (33,2 км/соат), Луис Синистерра (32,8 км/соат), Тирелл Маласия (32,8 км/соат) — уччаласи ҳам «Фейеноорд», Крис Смоллинг (32,4 км/соат, «Рома») ва Брайн Линссен (32,2 км/соат, «Фейеноорд») каби ўйинчилар жой олишди.
Эслатиб ўтамиз, Европа Конференциялар лигасининг 2021−2022 йилги мавсуми финалида «Рома» «Фейеноорд»дан 1:0 ҳисобида устун келиб, якунда чемпионликни нишонлади. Римликлар сафида ўйнаган Элдор Шомуродов еврокубокларда ғалаба қозонган иккинчи ўзбекистонлик спортчи бўлди.
