Uzbekistan Airports АЖ раҳбариятининг қарори билан Урганч халқаро аэропорти директори Руслан Агабуллаев эгаллаб турган лавозимидан озод этилди. Бу ҳақда компания матбуот хизмати хабар берди.
У бу лавозимни ўтган йилнинг июнь ойидан буён эгаллаб келган, бунгача эса 2006 йилдан бери аэропортда ишлаган. Уни директор лавозимига тайинлаш чоғида Uzbekistan Airports раҳбари Раъно Жўраева ёш кадрларни рағбатлантириш муҳимлигини таъкидлаганди (Руслан Агабуллаев 1980 йилда туғилган).
Фото: Жавлонбек Умархўжаев / Uzbekistan Airports
Uzbekistan Airports Бошқарув раисининг эксплуатация бўйича биринчи ўринбосари Жавлонбек Умархўжаев аэропорт директори вазифасини вақтинча бажарувчи этиб тайинланди.
