Тошкент метросининг Олмазор бекатида 58 ёшли эркак ҳаракатланишга тайёргарлик кўраётган поезд йўлига тушиб кетди. Воқеа шу кунларда содир бўлган, бироқ сешанба куни ижтимоий тармоқларда ушбу вазият тасвирланган лавҳалар пайдо бўлди.
Видеода эркакнинг эшиклари деярли ёпилган поезд томон югураётганини кўриш мумкин. У сирпаниб, ҳайдовчи кабинаси олдидан тушиб кетди. Метро ходимлари ва йўловчилар ёрдам бериш учун югуриб бориб, эркакни платформага олиб чиқишди.
Метрополитен матбуот хизматининг маълум қилишича, эркак бирор-бир жиддий жароҳат олмаган.
Метро маъмурияти йўловчиларни «белгиланган қоидаларга амал қилган ҳолда, шошилмасдан, ўз ҳаётини хавфга қўймаган ҳолда» метрода ҳаракатланишга чақирди.
