Франциянинг амалдаги президенти Эммануель Макрон 24 апрель куни президентлик сайловларининг иккинчи турида 58,55% овоз тўплаб, ғалаба қозонди, деб хабар берди Le Monde нашри.

Унинг рақиби «Миллий уюшма» партияси етакчиси Марин Ле Пен ўз мағлубиятини тан олиб, парламент сайловларида «курашни давом эттиришга» ва Макронга қарши курашишга ваъда берди.

Макроннинг тахминий ғалабаси якунда кўпчилик сўровнома прогнозларидан ошиб кетди. Франция Конституциявий суди раиси 27 апрель куни келаси беш йилга президент сайланишини расман эълон қилади.

Эйфел минораси остидаги зафарли нутқида Макрон кўпчилик юртдошлари унинг ғояларини қўллаб-қувватлагани учун эмас, балки «ўта ўнглар ғояларини тўсмоқчи бўлиб унга овоз беришганини» таъкидлади. «Мен уларга миннатдорчилик билдирмоқчиман ва келгуси йилларда улар олдида бурчим борлигини биламан», — дея қўшимча қилди у.

44 ёшли Эммануель Макрон 20 йил аввал Жак Ширакдан кейин қайта сайланган биринчи президент ҳисобланади. 2017 йилда 39 ёшида давлат раҳбари бўлган Макрон мамлакат тарихидаги Франциянинг энг ёш раҳбари ва ўзини-ўзи номзод қилиб кўрсатган биринчи давлат раҳбари бўлди. Беш йил муқаддам сайловларнинг иккинчи босқичида Макрон ҳозирги рақиби Марин Ле Пендан каттароқ фарқ билан устун келганди.