Ҳукуматнинг 20 апрелдаги «Қурилиш соҳасига оид ягона маъмурий қурилиш регламентларини тасдиқлаш тўғрисида»ги [200-сон] қарори қабул қилинди. Бу ҳақда Адлия вазирлиги хабар берди.

Ҳужжат билан кўчмас мулк бузилишга тушган ёки тушмаганлиги тўғрисида маълумотнома бериш бўйича давлат хизматини кўрсатиш бўйича маъмурий регламент тасдиқланди.

Унга кўра, Бино ва турар жойларнинг бузилишга тушганлик ҳолати ҳақида маълумотнома олиш учун ДХМ ёки ЯИДХПга мурожаат қилинади. Хизматни кўрсатиш унинг учун БҲМнинг 5 фоизи миқдорида (ЯИДХПга орқали мурожаат қилганда сумманинг 90 фоизи) йиғим ундирилади.

Маълумотнома олиш учун аризалар ЯИДХП орқали дам олиш ва байрам кунларидан қатъи назар, 24 соат давомида юборилиши мумкин.

Маълумотнома 3 иш кунида расмийлаштирилади ҳамда ариза берувчининг электрон мазилига юборилиб, унга бу ҳақида хабар берилади.

Давлат хизматлари кўрсатишни бошқа асослар бўйича рад этиш қатъиян тақиқланади. Ваколатли орган «снос» ҳолатини ўрганиб, натижаси бўйича QR-кодли маълумотномани ДХМ ёки ЯИДХП орқали тақдим этади.

Ҳукумат қарори билан шунингдек, қуйидагилар бўйича давлат хизматлари кўрсатишнинг маъмурий регламентлари тасдиқланди:

  • бино ва иншоотларнинг ташқи кўринишини ўзгартиришни келишиш;
  • бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш;
  • архитектура-режалаштириш топшириғини ишлаб чиқиш;
  • лойиҳа-смета ҳужжатларини келишиш;
  • қурилиш-монтаж ишларини бошлаш учун объектни рўйхатдан ўтказиш;
  • қурилиш-монтаж ишлари тугалланган объектдан фойдаланиш учун рухсатнома бериш.