Ҳозирда Халқаро космик станциясида хизмат қилаётган россиялик космонавт Олег Артемьев Орол денгизининг коинотдан олинган суратларини эълон қилди. Фотосуратлар блог ўқувчиларининг илтимосига кўра олинган, деди у.

Суратда Ўзбекистондаги Ғарбий ва Шарқий Орол билан Қозоғистондаги Кичик Орол кўлларининг бир-бирлари билан ингичка сув йўллари орқали туташиб турганини кўриш мумкин.

Аввалроқ фотосуратчи Азамат Маткаримов объективида Мўйноқдан Оролга борадиган йўл суратларини эълон қилган эдик.