Россия президенти Владимир Путин Хавфсизлик кенгашининг доимий аъзолари билан йиғилишда украиналик ҳарбийларни мамлакатдаги ҳокимиятни ўз қўлига олишга таклиф қилди, дея хабар қилди РИА Новости.
«Киевда қўним топган ва бутун Украина халқини гаровга олган бу наркоман ва неонацистлар тўдасидан кўра, сизлар билан келишувга эришишимиз осонроқ кўринади», — деди у.
Хабарда қайд этилишича, Россия раҳбари украин аскарларини радикалларга тинч аҳолидан жонли қалқон сифатида фойдаланишларига йўл қўймасликка чақирган.
Шунингдек, Владимир Путин Россиянинг Украинага нисбатан махсус операциялари жараёнида асосий тўқнашувлар украин доимий қўшинлари билан эмас, балки миллатчи тузилмалар билан" бўлиб ўтаётганини таъкидлади. У «Украинадаги миллатчилар хорижий экспертлар, биринчи навбатда америкалик маслаҳатчиларнинг кўрсатмалари асосида жанг олиб бораётганини» қўшимча қилди.
