Комилжон Тўхтаевнинг Пекин Олимпиадасидаги иштироки якунланди. 16 февраль куни у тоғ чанғиси спорт турининг слалом йўналишида иштирок этди. Унда Комилжон 1:02.14 натижани қайд этди.
Дастлаб, унинг натижаси 42-ўринда қайд этилган эди. Бироқ натижа кўриб чиқилиб, дастурдаги техник хато сабабли ҳакамлар томонидан ҳисобга олинмади.
Қоидаларга кўра, спортчилар трасса бўйлаб ҳаракат давомида ҳар бир дарвозани босиб ўтишлари лозим. Комилжон Тўхтаев эса марра чизиғига яқин жойлашган дарвозадан ўтишда хатога йўл қўйди ва бунинг натижасида дисквалификация қилинди. Шу тариқа у Пекин-2022 даги иштирокини эрта якунлади.
Комилжон Тўхтаев 13 февраль куни Тоғ чанғиси спортининг гигант слалом йўналишида 29-ўринни эгаллаб, ўзининг шахсий рекордини янгилаган эди.
Шу билан қишки Олимпия ўйинларида Ўзбекистон делегациясининг иштироклари ҳам якунланди.
