«Газета.uz» пазандачилик саҳифаси бўлмиш Zira.uz билан биргаликда байрамона печеньелар рецептлари рўйхатини тақдим этади.
«Башорат қилувчи» печеньелар
Ушбу сеҳрли печеньеларни тайёрлаганингизда, ичига башорат қилувчи қоғоз ўрнига ҳар хил мақтовлар ёки севги изҳорини ёзишингиз мумкин. Бундай печеньелар билан ёқтирган инсонингизни ҳайратда қолдиришингиз аниқ.
«Юракча» печеньелари
Бу печеньеларни эрта тонгда севган инсонингиз учун қаҳва ёки чой билан беришингиз мумкин. Агар севган инсонингиз байрам ҳақида унутиб қўйган бўлса, ушбу юракча шаклидаги печеньелар унга яхшигина ишора бўла олади.
Юракчасимон печеньелар
Юракчасимон шакллардаги мазали ва оғизда эриб кетувчи печеньелардан тайёрлаб кўринг, сизга албатта ёқади. Тайёрлаш жараёнида бизни тавсияларимизга амалга қилинг: Чиройли қутичаларга қоғоз сочиқдан тўшаб, ичига юракчасимон печеньелардан солинг ва севимли инсонларингизни улар билан сийланг.
Қайнатилган кремли печеньелар
Ваниль таъмли қайнатма крем билан бойитилган юракчасимон печеньеларнинг батафсил тайёрланиш рецептини тақдим этамиз. Уларни чиройли қутичаларга солиб, совға сифатида яқин инсонларингизга тақдим этишингиз ҳам мумкин.
«Қоплон» печеньеси
Ушбу рецепт бўйича сиз мазали, уваланиб кетувчи ва энг муҳими ноодатий печеньеларга эга бўласиз. Бундан ташқари, «юрак» шаклидаги бундай печенье сизнинг яқинларингизга ёқимли совға бўла олади.
«Юракчали одамчалар» печеньеси
Печеньелар жуда оддий ва мазали бўлиб, уларни тайёрлаш учун фақатгина одамча ва юракча шаклида кесиш учун мўлжалланган қолипчалар керак бўлади. Бундай печеньеларни пакетчаларга солиб, яқин инсонларингизга совға тариқасида беришингиз мумкин.
Янада кўпроқ рецептлар — Zira.uz сайтида.
Facebook: fb.com/zirauz
Instagram: @zirauz
Telegram (ўзбек тилида): t.me/zirauzuz
Telegram (рус тилида): t.me/zirauz
Telegram чат-гуруҳ: t.me/zirauz_chat
Таҳририят телефон рақами: (+99878) 148−15−55
Telegram: (+99899) 837−15−15
