280 минг нафардан ортиқ бола коронавирусга қарши тўлиқ вакцина курсини олди, дея хабар берди Соғлиқни сақлаш вазирлиги матбуот хизмати.
Республикада 10 ой давомида 2 183 381 доза Pfizer/BioNTech вакцинаси қўлланилган бўлиб, бу умумий эмланишларнинг 5 фоизини ташкил қилади.
«Шу вақт ичида 12 ёшдан катта болаларнинг 280 140 нафари коронавирусга қарши тўлиқ вакцина курсини олган», — дейилади хабарда.
Ўтган йили Ўзбекистонга жами 2 626 650 доза Pfizer/BioNTech вакцинаси келтирилган.
Маълумот учун, ўтган йилнинг сентябрь ойи сўнггида 12 ёшдан катта болалар коронавирусга қарши Pfizer вакцинаси билан эмланиши мумкинлиги ҳақида маълум қилинганди. Ўзбекистон мазкур Pfizer/BioNTech вакцинасини АҚШдан келтирган.
