Жалолиддин Усмонов Халқаро пресс-клубнинг янги раиси этиб сайланди. Бу ҳақда 8 февраль куни Халқаро пресс-клубнинг жамоатчилик кенгаши йиғилишида маълум қилинди.

Жалолиддин Усмонов 1983 йил 24 сентябрда туғилган. Шу пайтга қадар бир неча йиллар давомида Халқаро пресс-клубда бўлим бошлиғи, ижрочи директор сифатида ишлаган.

Сўнгги икки йил мобайнида аввал Сенат, кейинчалик эса Марказий сайлов комиссияси раисининг матбуот котиби — ахборот масалалари бўйича маслаҳатчиси лавозимларида фаолият юритган.

Бу вақтгача пресс-клуб раиси бўлган Шерзодхон Қудратхўжа Ўзбекистон Электрон оммавий ахборот воситалари миллий Ассоциацияси (ЎзЭОАВМА) бошқарув раиси этиб тайинланганди. Аввалроқ, ЎзЭОАВМАни бошқарган Фирдавс Абдуҳолиқов эса Sevimli телеканали билан боғлиқ можаролардан сўнг мазкур лавозимдан кетган эди.