2021 йилда Ўзбекистондан хорижий мамлакатларга 20,14 минг киши кўчиб кетган. Бу ҳақда Давлат статистика қўмитаси хабар берди.

2021 йил январь-декабрь ойларида республика бўйича кўчиб келганлар сони 256 814 киши, шу жумладан республиканинг бошқа ҳудудларидан кўчиб келганлар 254 939 киши, хорижий мамлакатлардан кўчиб келганлар эса 1875 кишини ташкил этди. Шу билан бирга, кўчиб кетганлар сони жами 275 079 киши, жумладан, республиканинг бошқа ҳудудларига кўчиб кетганлар 254 939 кишини ташкил этди. Миграция сальдоси эса минус 18 265 кишига тенг бўлди.

Ўзбекистондан хорижий мамлакатларга кўчиб кетганларнинг асосий қисми Қозоғистон (жами хориждан кўчиб келганларга нисбатан 56,6%), Россия (30,5%), Тожикистон (3,7%), Қирғизистон (2,3%), Украина (1,6%) ва бошқа мамлакатлар (5,3%) ҳиссасига тўғри келган.



2021 йилнинг январь-декабрь ойларида 275,1 мингта кўчиб кетганлар қайд этилган бўлиб, ҳар 1000 аҳолига кўчиб кетиш коэффициенти 7,9 промиллени ташкил этган ҳамда 2020 йилга нисбатан 2,0 промиллега ошгани кузатилган (2020 йилнинг январь-декабрь ойларида 5,9 промилле бўлган). Бундан кўринадики, Ўзбекистонда 2021 йилда кўчиб кетиш коэффициенти қарийб 3 бараварга пасайган.

2000 — 2020 йилларда Ўзбекистондан 1 107 854 нафар фуқаро хорижий давлатларга доимий яшаш учун чиқиб кетган. 20 йил ичида мамлакатга кўчиб келган хорижликлар сони эса 11 баравар кам — 99 341 киши.