Ўзбекистон санъат арбоби, театр режиссёри, педагог Жўра Маҳмудов 80 ёшида оламдан ўтди, дея хабар бермоқда Маданият вазирлиги.
Жўра Маҳмудов Тошкент театр ва рассомлик санъати институтини тамомлаган.
1971−1994 йилларда Ўш, Самарқанд ва Сирдарё театрларида бош режиссёр бўлиб ишлаган.
1997- 2002 йиллар давомида эса Ёш томошабинлар театрида режиссёр, 1994−1997 йиллар Маданият ишлари вазирлигида етакчи мутахассис бўлиб фаолият юритган.
У фаолияти давомида «Она», «Қиёмат қарз», «Инсонликка номзод», «Оғриқ тишлар», «Сохта оқсуяк», «Қаердасан, жон болам», «Қирол Лир» ва бошқа спектаклларни саҳналаштирган.
Шунингдек, у «Адолат куни», «Овсинлар», «Соҳибжамол», «Садоқат» каби саҳна асарлари, «Осмондан танга ёққан кун», «Томчи», «Алпомиш», «Иккивой ва Бешвой» каби кичик томошабинларга бағишланган эртак-пьесаларининг ҳам муаллифи ҳисобланади.
