Ижтимоий тармоқларда Sevimli телеканали орқали намойиш этилаётган «Сабрия» миллий сериалидаги аҳлоқсизлик саҳналари жамоатчилик эътирозига сабаб бўлди.
Мазкур ҳолатга Ахборот ва оммавий коммуникациялар агентлиги муносабат билдириб, ҳолат юзасидан ўрганиш ишларини бошлади.
«Ҳолат юзасидан текширув ишлари агентлик томонидан назоратга олиниб, экспертиза тайинланди», — дейилади хабарда.
Экспертиза натижалари бўйича қўшимча маълумот берилиши маълум қилинган.
Бу илк ҳолат эмас. 2018 йилда ҳам «Sevimli» телеканали раҳбарияти қаттиқ огоҳлантирилган эди. Ўшанда 5 июль куни cоат 21:10 да эфирга узатилган «Ҳурлиқо» («I feel pretty») бадиий фильмининг 45-дақиқасида беҳаё мазмундаги саҳна мавжудлиги аниқланган эди.
