14 январь куни соат 18:12 да Тошкент метрополитенининг Юнусобод йўналишининг «Туркистон» метро бекатида содир бўлган қисқа туташув тутун пайдо бўлишига олиб келди. Бу ҳақда Фавқулодда вазиятлар вазирлиги матбуот хизмати «Газета.uz»га хабар қилди.
Станциядаги йўловчилар зудлик билан эвакуация қилинган. Жабрланганлар йўқ. Айни вақтда носозликлар бартараф этилган, метрополитен ҳаракати тикланди, деб хабар қилди ФФВ.
Гувоҳларнинг айтишича, метро бекатига бешта ўт ўчириш бригадаси етиб келган. ФФВ ёнғин бўлмаганини яна бир бор таъкидлаб ўтди.
