2021 йилнинг январь-ноябрь ойларида Ўзбекистонга 25 та хорижий давлатдан қиймати 502,8 млн долларга тенг бўлган 23 155 та енгил автомобиль импорт қилинди. Бу ҳақда Давлат статистика қўмитаси хабар берди. Енгил автомобиллар импорти ўтган йилнинг мос даври билан солиштирилганда 179 тага камайган.

Жорий йилнинг 11 ойида Ўзбекистон енгил автомобилларни энг кўп импорт қилган давлатлар:

  • Хитой — 6963 та;
  • Корея — 5630 та;
  • Россия — 4167 та;
  • Қозоғистон — 3731 та;
  • Польша — 1204 та;
  • АҚШ — 479 та;
  • Литва — 427 та;
  • Таиланд — 250 та;
  • Германия — 103 та;
  • Япония — 88 та.

Шунингдек. январь-ноябрь ойларида Ўзбекистонга 11 та хорижий давлатдан қиймати 13,8 млн долларга тенг бўлган 689 та электромобиль импорт қилинган. Электромобиль импорти ўтган йилнинг мос даврига нисбатан 592 тага ёки қарийб 7 бараварга ошган.

2021 йилнинг 11 ойида Ўзбекистон асосан қуйидаги давлатлардан электромобилларни импорт қилган:

  • Хитой — 608 та;
  • Туркия — 24 та;
  • АҚШ — 20 та;
  • Литва — 13 та;
  • Германия — 11 та;
  • Корея — 5 та;
  • Испания — 2 та;
  • Россия — 2 та;
  • Украина — 2 та;
  • Гонгконг — 1 та;
  • БАА — 1 та.

Эслатиб ўтамиз, аввалроқ Ўзбекистон шу йилнинг январь-октябрь ойлари давомида қиймати 12 млн долларига тенг бўлган 613 дона электромобиль импорт қилгани ҳақида маълум қилинганди.