Транспорт вазирлигининг хабар беришича, ҳозирда 18 та хорижий мамлакатлар билан мунтазам авиақатновлар тикланган бўлиб, ҳафтасига 28 та йўналиш бўйича 144 та парвоз амалга оширилмоқда.

Ўзбекистон фуқаролари байрам кунлари қуйидаги хорижий давлатларга авиақатновлар орқали ташриф буюриши мумкин.

  • Туркия, 40 та рейс (Тошкент — Истанбул, Самарқанд — Истанбул, Фарғона — Истанбул);
  • Қозоғистон, 34 та рейс (Тошкент — Олмаота, Самарқанд — Олмаота, Урганч-Оқтов, Нукус-Оқтов, Нукус-Оқтўба);
  • Россия, 22 та рейс (Тошкент — Москва, Самарқанд — Москва, Самарқанд — Санкт-Петербург);
  • БАА, 16 та рейс (Тошкент — Дубай, Тошкент — Шаржа);
  • Корея Республикаси, 4 та рейс (Тошкент — Сеул);
  • Тожикистон, 4 та рейс (Тошкент — Душанбе);
  • Беларусь, 4 та рейс (Тошкент — Минск);
  • Қирғизистон, 3 та рейс (Тошкент — Бишкек);
  • Миср, 3 та рейс (Тошкент — Қоҳира, Тошкент — Шарм-ал-Шайх);
  • Грузия, 2 та рейс (Тошкент — Тибилиси);
  • Германия, 2 та рейс (Тошкент — Франкфурт);
  • Ҳиндистон, 2 та рейс (Тошкент — Деҳли);
  • Қувайт, 2 та рейс (Тошкент — Ал-Қувайт);
  • Латвия, 2 та рейс (Тошкент — Рига);
  • АҚШ, 2 та рейс (Тошкент — Нью-Йорк);
  • Эрон, 1 та рейс (Тошкент — Теҳрон);
  • Исроил, 1 та рейс (Тошкент — Тель-Авив);
  • Саудия Арабистони, 1 та рейс (Тошкент — Ар Риёд);

Парвозлар санитария-эпидемиология талабларига қатъий риоя қилинган ҳолда амалга оширилади, дейилади хабарда.

Эслатиб ўтамиз, 17 декабрдан бошлаб Самарқанд аэропортидан Москва, Истанбул, Олмаота ва Санкт-Петербург шаҳарларига авиақатновлар тиклангани маълум қилинган эди.