12 декабр Россияда UzAuto Motors автомашиналарини олиб кетайтган автотрейлерда ёнғин чиқди, дея хабар бермоқда компания матбуот хизмати
Қайд этилишича, воқеа Москва вилояти ҳудудида автомобилларни мижозга олиб ўтиш вақтида содир бўлган.
Ёнғин Россия автомобиль ташувчисига тегишли автотрейлернинг салонида юзага келган. Автотрейлер кабинасидаги аланга автомобиллар бўлган трейлерга тарқалиб, 8 та автомобилдан 3 таси зарар кўрган.
Маълумотга кўра, барча ташилган автомобиллар суғурталанган ва россиялик мижозга тегишли бўлган.
Ҳодиса оқибатида ҳеч ким жабрланмаган. Ҳозирда зарурий ёнғин-техник экспертизаси ўтказилиб, ёнғиннинг келиб чиқиш сабаблари ўрганилмоқда.
