11 декабрь куни БААнинг Дубай шаҳрида ўтган профессионал бокс кечасида ўзбекистонлик супер оғирвазн тоифадаги спортчи Баҳодир Жалолов тўққизинчи (9−0, 9 КО) ғалабасини қўлга киритди.
Унга рақиб сифатида колумбиялик Хулио Сезар Калимено (4−2, 4 KO) рингга чиқди.
6 раундга мўлжалланган жанг 1 раундидаёқ ўз якунига етди. Баҳодир Жалоловга рақибини нокаутга учратиш учун 46 сониянинг ўзи етарли бўлди.
Видео
27 ёшли ўзбекистонлик спортчи жангдан сўнг бошловчининг «Оғирвазн тоифасида чемпионликка тайёрмисиз?», деган саволига рақиби ким бўлишидан қатъий назар, жангга чиқишга тайёрлигини айтган.
Шундан сўнг, ундан бокснинг тирик афсоналари Энтони Жошуа, Александр Усик, Тайсон Фюрилар ҳақида қандай фикржа эканлиги сўралган.
«Мен тўғирисини айтсам, ким билан бўлса ҳам рингга чиқишга тайёрман. Энтони Жошуа, Александр Усик, Тайсон Фюри… Менга фарқи йўқ. Менга улар билан жанг бўлса, бўлди. Мақсадим шу оғирвазн тоифасида 4 та камар бўлса, Шуларнинг ҳаммасини Ўзбекистонга олиб кетиш», — дея фикр билдирган.
Баҳодир Жалолов 2021 йил Токиода ўтган Олимпия ўйинларида олтин медалга сазовар бўлган эди. Шунингдек, у 2018 йилдан бери барча жангларда кетмна-кет ғалаба қозониб келмоқда.
