СОГАЗ компаниялар гуруҳи VK`нинг (VK, собиқ Mail.ru Group) 57,3 фоизлик акцияларига эгалик қилаётган «МФ Технологии» АЖ капиталидаги 45 фоизлик иштирокини тасдиқлади. Гап Алишер Усмоновнинг USM холдинги «МегаФон» орқали эгалик қилаётган улуш ҳақида кетмоқда, дея хабар қилди «Коммерсантъ».
USM келишув амалга ошганини тасдиқлаган, бироқ ҳужжатлар қиймати ошкор қилинмаган. Аммо «Коммерсантъ» шартнома тахминан 16 млрд рублга (тахминан 216 млн доллар) баҳоланганини маълум қилди.
Алишер Усмонов VK`даги акционер сифатидаги иштироки «ривожланишни кўп жиҳатдан белгилаб бергани ва холдинг тарихида муҳим қисмга айлангани»ни маълум қилди.
«Бизнинг ёндашувимиз — ёш ва ғайратли бошқарув учун максимал эркин ҳаракатлар, шунинг учун уч йил аввалданоқ мен ва шерикларим бизнинг VK`даги овоз бериш ҳуқуқимизни унинг раҳбариятига топширган эдик. Бугун биз компанияни ҳам аудиториялар сони, ҳам молиявий метрикалар бўйича келажагига ишонч уйғотадиган кўрсаткичлар чўққисида қолдирган ҳолда унинг капиталидан чиқмоқдамиз», — деди Алишер Усмонов.
Маълумот учун, «МФ Технологии» инвестиция компанияси VK`нинг 57,3 фоиз акцияларига эгалик қилади. Қолган 12,3 фоиз акцияни Голландиянинг Prosus конгломерати, 4,5 фоизини — Alibaba Group ва 3,3 фоизини — Tencent назорат қилади.
