Тошкент метрополитенида FacePay тизими синовдан ўтказилмоқда, хабар бермоқда «Ўзбекистон 24» телеканалининг «Факт 24» кўрсатувида.
FacePay технологияси метронинг «Буюк Ипак йўли» бекатида синовдан ўтказилмоқда. ATTO компанияси хабарига кўра, метро фойдаланувчиси ўз юзини сканерлаши ва уни транспорт ёки банк картаси маълумотлари билан бирга маълумотлар базасига киритиши керак бўлади. Шундан сўнг йўловчи шунчаки валидаторга қараб йўл ҳақи учун тўлов қилиши мумкин.
Бундан ташқари, жорий йилда UZCARD, HUMO, VISA, MasterCard, UPI, MIR контактсиз банк карталари орқали тўлов амалга ошириш тизими жорий этилган. Шунингдек, NFC тўлов функцияси жорий этилди ва Android ва IOS учун АТТО мобил иловаси ишга туширилган.
2021 йилда Тошкентдан ташқари Ўзбекистоннинг яна икки шаҳрида — Гулистон ва Қаршида нақд пулсиз тўлов тизими жорий этилган. 2022 йилда Самарқанд, Бухоро, Хоразм, Андижон, Фарғона ва Наманганда йўл ҳақини йиғишнинг автоматлаштирилган тизимини жорий этишни режалаштирилмоқда.
Эслатиб ўтамиз, 2021 йил январидан бошлаб Тошкент шаҳридаги жамоат транспортларида имтиёз асосида транспортда ҳаракатланиш ҳуқуқига эга бўлган йўловчилар — ўқувчилар, талабалар ва нафақахўрлар учун транспорт карталари жорий этилди.
«Газета.uz» транспорт карталарини қаердан сотиб олиш, қандай тўлдириш, улардан фойдаланиш ҳақида қўлланма эълон қилган эди.
