Turkish Airlines`нинг ТК-369D рейси пайшанба куни эрталаб Тошкентдан Истанбулга бир суткадан ортиқ кечикиш билан парвозни амалга оширди.
Парвоз 18 ноябрь куни эрталаб соат 9:00 га белгиланган эди. Йўловчиларни рўйхатдан ўтказиш соат 6:00 да — жўнашдан уч соат олдин бошланди. Бироқ Тошкентдаги об-ҳаво шароити туфайли рейс беш соатга кечиктирилди, деб хабар берди Uzbekistan Airports матбуот хизмати.
Аэропортда ушланиб қолингандан сўнг, самолёт экипажи смена тугаши ва парвознинг бекор қилинишини эълон қилинган. Йўловчилар аэропортга қайтишган. Эрталабки парвоз учун чипталар қайта рўйхатдан ўтказилган. Йўловчиларнинг бир қисми шаҳарга қайтган. Аэропортда қолишга мажбур бўлганлар иссиқ овқат билан таъминланган ва кутиш учун шароит яратилган, дейилади компания хабарида.
Пайшанба куни эрталаб соат 9:00 да режалаштирилган парвоз ҳам деярли икки соатга кечиктирилди. Uzbekistan Airports хабарига кўра, рейс номаълум сабабларга кўра парвозни амалга оширмасликка қарор қилган тўрт кишилик оиланинг бортдан чиқарилиши билан боғлиқ бўлган. Самолёт 10:58 да учган.
