Ижтимоий тармоқларда пойтахтнинг Миробод туманида Matiz ҳайдовчиси пиёдаларни уриб юборганлиги ҳақида хабарлар тарқалди.

Мазкур ҳолат юзасидан ИИВ ЙҲХББ ахборот хизмати изоҳ берди.

Маълум қилинишича, 15 октябрь куни соат 21:23 ларда Тошкент шаҳар, Миробод тумани, Янги Қўйлиқ кўчаси «Афсона» биноси қаршисида ҳайдовчи 1983 й.т. Ж.М. Matiz автомашинаси бошқарувини йўқотиши оқибатида йўл четида турган пиёдаларни уриб юбориб, ағдарилиб кетган.

Ҳодиса натижасида 3 нафар пиёда тан жароҳатлари билан шифохонага ётқизилган. Йўл четида турган автомобилларга ҳам зарар етган.

Мазкур ЙТҲ юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.