Ангела Меркелнинг Германия Федерал канцлери лавозимидаги ваколати расман якунланди, ГФР президенти Франк-Валтер Штайнмаер унга ва ҳукуматга фаолияти учун миннатдорчилик билдириб, ваколатларни тугатиш ҳужжатларини топширди, деб хабар бермоқда Интерфакс.

«Ушбу канцлерликни республика тарихидаги энг муҳими деб айтиш мумкин», — деди Штайнмайер сешанба куни бундестагда ҳужжатларни топшириш пайтида. 26-октябрь куни Германиянинг янги парламентининг биринчи ташкилий йиғилиши бўлиб ўтди.

Бундан буён Меркель ва ГФР ҳукуматининг қолган аъзолари Германияда янги ҳукумат тузилгунга қадар вазифасини бажарувчи сифатида фаолият юритади.

26 сентябрь куни Германияда парламент сайловлари бўлиб ўтди, Олаф Шольц бошчилигидаги Германия Социал-демократик партияси ғалаба қозонди, Меркель партияси иттифоқи ХДИ / ХСИ иккинчи ўринни эгаллади. Ҳукуматни шакллантириш бўйича музокаралар ҳозирда Социал-демократлар, «Яшиллар» ва Германия эркин демократик партиялари томонидан олиб борилмоқда.