2021 йил охирига қадар Тошкентда учта Burger King ресторанлари очилиши кутилмоқда. Бу ҳақда Spot нашри ўз манбаларига таяниб хабар қилди.
Компания Тошкентдаги биринчи учта ресторанида ходимлар учун бўш иш ўринларини эълон қилган. Улар Бобур боғи, Экобозор ёнидаги Atlas мажмуаси ва Чилонзор 25-мавзесида очилади.
Олдинроқ хабар берганимиздек, Burger King Ўзбекистон бозорига кириб келмоқда. Компания ҳозирда ишчиларни ёлламоқда ва йил охирига қадар биринчи ресторанларини очишни режалаштирган. Биринчи босқичда фудкорт форматида ишлаш кўзда тутилган.
Burger King Uzbekistan — бу франшиза. Мамлакатда ушбу ресторанлар тармоғини ривожлантириш учун Burgerhouse МЧЖ масъул. Кўплаб ходимлар учун ўқитиш Москвада бўлиб ўтади.
Burger King 1954 йилда АҚШда ташкил топган. Гамбургерларга (асосан вопперлар) ихтисослашган тез овқатланиш ресторанлари тармоқлари орасида дунёда иккинчи ўринда туради. Компания ресторанларига ҳар куни 11 млндан ортиқ киши ташриф буюради.
