Пандемия даврида Россия давлатида қолиб кетган фуқароларга ёрдам бериш ва уларни қайтариш мақсадида «Ўзбекистон темир йўллари» АЖ томонидан «Волжский-Тошкент» йўналишида 4 та махсус рейс йўлга қўйилади. Бу ҳақда «Ўзбекистон темир йўллари» ахборот хизмати хабар берди.
Мазкур поездлар 22, 25, 29 октябрь ҳамда 1 ноябрь кунлари соат 20:57 да «Волжский-Тошкент» йўналишида ҳаракатини амалга оширади.
Поездларга фақат бир томонга, яъни «Волжский-Тошкент» йўналишига чипталар сотилади.
«Россиядаги фуқароларнинг яқинлари Ўзбекистонда туриб, уларнинг шахсини тасдиқловчи ҳужжати нусхаси билан e-ticket.railway.uz орқали чипталарни электрон тарзда харид қилиб олиб, жўнатишлари ҳам мумкин», — дейилади хабарда.
