10 октябрь куни соат 21:00 ларда, Тошкент шаҳар, Яккасарой тумани, Шота Руставели кўчасида ЙТҲ содир бўлди. Бу ҳақда ИИВ ЙҲХББ ахборот хизмати хабар берди.

Ҳайдовчи 2002 й.т. Ш. Н. Lacetti русумли автомобилда ҳаракатланаётиб ушбу кўчада жойлашган «Анжир» ресторани рўпарасига етган вақтида бошқарувни йўқотган ва йўл ўртасидаги ёритиш чироғи устунига урилган.

Тўқнашув оқибатида автомобилда ёнғин юзага келган. Ўт ўчирувчилар томонидан ёнғин бартараф қилинган. Ҳодиса натижасида ҳайдовчи Ш. Н. ва бир нафар йўловчи вафот этган. 2 нафар йўловчилар тан жароҳати билан шифохонага олиб кетилган.

Ҳолат юзасидан Тошкент шаҳар ИИББ ҳузуридаги ТБ ва ЙҲХБ ходимлари томонидан дастлабки суриштирув ҳаракатлари олиб борилиб, ЙТҲ содир бўлиш сабабларига аниқлик киритилмоқда.