5-октябрь куни Microsoft компанияси Windows 11 операцион тизимини чиқарди, дея хабар қилмоқда «Корреспондент» нашри. Хабарда айтилишича, компания янги версиядаги операцион тизимни Windows 10 учун бепул янгиланиш сифатида тақдим қилди.
Компания Windows 11`ни туркумдаги «энг хавфсиз» операцион тизим, дея эътироф этганлиги айтилмоқда. Windows 10 ўрнатилган, Windows 11`га мос келувчи барча компьютерлар тахминан 2022 йил ўрталаригача янги операцион тизимга ўтиши кутилмоқда.
«Microsoft корпорацияси Windows 11 операцион тизимини режалаштирилган муддатидан бир кун олдин чиқарди. Операцион тизимнинг янги версияси АҚШ вақти билан 5-октябрда чиқарилиши керак эди, лекин у АҚШ вақтига кўра 4-октябрь санасидаёқ фойдаланувчиларга тақдим этилди» — дея ёзмоқда нашр.
Маълум қилинишича, тизим Windows янгиланиш маркази орқали компьютернинг яроқлилигига қараб тўлқинларда тарқатилади. Windows 11`ни мустақил ўрнатмоқчи бўлганлар Microsoft расмий сайтидан ўрнатиш бўйича ёрдамчини юклаб олишлари мумкин.
Windows 10 ўрнатилган компьютерлар операцион тизимни кейинги версияга бепул янгилаши мумкинлиги айтилган. Бошқа фойдаланувчиларга компьютерлари тизим талабларига минимал даражада жавоб бериши шарти билан дастурий таъминотни босқичма-босқич янгилаш таклиф қилинади.
Windows 11`ни ўрнатиш учун техник талаблар
Қайд этилишича, Windows 11 компьютерга юқорироқ талаблар қўяди. Microsoft Windows 11 қурилмада ишлаши ёки ишламаслигини аниқлайдиган шахсий компьютерни текшириш дастурини (PC Health Check) ишлаб чиққан. Дастурни компаниянинг веб-сайтидан юклаб олиш мумкин.
Қурилма Windows 11`ни қўллаб-қувватлаши учун минимал тизим талаблари:
- 1 гигагерц ёки ундан юқори частотали икки ядроли мос процессор;
- 4 Гб оператив хотира;
- 64 Гб ички хотира;
- DirectХ 12 ёки ундан юқори версиясини қўллаб-қувватлайдиган видеокарта;
- 9 дюймли ва 720 ёки ундан юқори пикселлар сонига эга бўлган дисплей;
- TPM 2.0, UEFI ва Secure Boot модули билан мос келиш.
Агар сизнинг қурилмангиз минимал талабларга жавоб бермаса, Windows 11`ни ўрнатиш ёрдамчиси билан битта саҳифада жойлашган ISO файли орқали ўрнатишингиз мумкин. Microsoft бунга қаршилик қилмайди, лекин компания тизимнинг тўлиқ мослиги ёки ишончли ишлашига кафолат бермайди.
Microsoft операцион тизим интерфейсини қайта ишлаб чиқди ва унга бир қанча ўзгартиришлар киритди. Microsoft Windows 11`нинг асосий функцияларидан қуйидагиларни санаб ўтди:
- янги дизайн (думалоқланган бурчаклар, Mac`никига ўхшаш интефейс);
- Microsoft Teams суҳбатини вазифалар панелига бирлаштириш;
- булутда ишлаш учун кўпроқ имкониятлар;
- янги Microsoft Store иловалар дўкони (бу ерда Android мобил операцион тизими учун иловалар ва Linux иловаларини бирлаштириш режалаштирмоқда);
- сенсорли экранлар билан ишлаш ва овозли киритиш учун тизимни оптималлаштириш.
Windows 11`га қандай ўтиш мумкин
Айни пайтда Windows 10`ни қўллаб-қувватлайдиган ёки Windows 11`га янгилашга рухсат берилган қурилмаларга эга бўлганлар учун янгилаш бўйича баъзи тавсиялар:
- компьютерингиз Microsoft PC Health Check орқали янгиланишларни қўллаб-қувватлашини текширинг;
- барча муҳим ҳужжатлар, иловалар ва маълумотларнинг захира нусхаларини яратинг;
- «Созламалар»га ўтинг, «Янгиланиш ва Хавфсизлик»ни, сўнгра «Windows янгиланиш маркази»ни танланг.
Агар Windows 11`нинг бепул янгиланиши мавжуд бўлса, юклаб олиш ва ўрнатиш опцияси менюда пайдо бўлади, кейин кўрсатмаларга амал қилиш лозим бўлади.
Фото: Microsoft
Агар бу банд йўқ бўлса, сиз корпорация веб-сайтида мавжуд бўлган Microsoft`дан янги ўрнатиш дастуридан фойдаланишга уриниб кўришингиз мумкин.
Windows 11 бир йилда бир марта йирик янгиланишни талаб қилади, янгиланишларнинг ўзи 40 фоиз кичикроқ бўлади ва фонда ўрнатилади.
Windows 10`ни қўллаб-қувватлаш муддати 2025 йил 14-октябрда тугаши айтилмоқда.
