4 октябрь куни соат 18:30 ларда, Бурилма-Учқўрғон йўлининг 7 км да, Учқўрғон тумани Ўлжатўпи МФЙ ҳудудида ЙТҲ содир бўлди. Бу ҳақда Наманган вилояти ИИБ ахборот хизмати хабар берди.
М-412 русумли автомашинани ишонч қоғози билан бошқариб бораётган ҳайдовчи ҳаракат вақтида Учқўрғон туманида яшовчи, 3-синфда ўқийдиган қиз йўлга чиқиб кетган. Оқибатда ҳайдовчи ҳаракат йўналишини ўзгартириб, қарама-қарши йўналишга чиқиб кетган. Қаршисидан ҳаракатланиб келаётган, Учқўрғон туманида яшовчи фуқаро (1966 й.т.) бошқарувидаги Nexia-2 русумли автомашинаси билан тўқнашган.
Натижада, икка автомашина орасида қолиб кетган пиёда оғир тан жароҳати олиб, воқеа жойида вафот этган.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Ушбу ҳолат бўйича Учқўрғон туман ИИБ ҳузуридаги ТБ томонидан 4 октябрь куни ЖКнинг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлса) билан жиноят иши қўзғатилган.
