Индонезия Озиқ-овқат маҳсулотлари ва дори препаратлари назорати агентлиги (BPOM) Хитой-Ўзбекистон ҳамкорлигида ишлаб чиқарилган ZF-UZ-VAC2001 вакцинасидан фавқулодда фойдаланишга рухсат берди. Бу ҳақда BPOM раҳбари Пенни К. Лукито шу муносабат билан ташкил этилган матбуот анжуманида маълум қилди, деб ёзмоқда Vaksinauz Telegram-канали.
Маълум қилинишича, Пенни К. Лукито мазкур вакцинанинг I, II ва III фаза тадқиқотлари унинг ножўя таъсирлари камлигини кўрсатган. Шунингдек, вакцинанинг 3-дозасидан кейин 7 кун ўтгач самараси 81,71% ни ташкил этганини қайд этилган.
ZF-UZ-VAC2001 вакцинасининг III фаза синовлари Индонезиянинг Бандунг шаҳрида ўтказилган бўлиб, унда жами 4000 нафар кўнгилли иштирок этган. Жами синовларда бутун дунёдан 28 минг нафар кўнгиллилар қатнашган.
«Индонезия ОАВларидаа хабар берилишича, ZF-UZ-VAC2001 вакцинаси Covid-19 вирусига қарши умумий 92,92% фоиз самарадорликни кўрсатган. Индонезияда шу пайтгача Bio Farma, Moderna, Pfizer, AstraZeneca, Sinopharm, up CanSino каби вакциналар қўлланган», — дейилади хабарда.
Эслатиб ўтамиз, Ўзбекистонда 30 сентябрь куни Jurabek Laboratories томонидан ишлаб чиқарилган ZF-UZ-VAC2001 вакцинасининг 1 млн 458 минг 820 дозаси СЭС хизмати вакилларига топширилди. Ҳозирги кунда корхона томонидан жами 7 млн доза вакцина ишлаб чиқарилган.
Маълумот учун, 6 октябрга қадар Индонезияда 19,64% аҳоли коронавирусга қарши тўлиқ эмланган.
