Наманганда «Янги Ўзбекистон» боғи ва «Янги Наманган» шаҳарчаси қурилади
Наманган вилоятида «Янги Ўзбекистон» боғини қуриш режалаштирилмоқда. У Тошкент вилоятида барпо қилингани каби Ўзбекистонни янада ривожлантириш бўйича Ҳаракатлар стратегиясини ифодаловчи дарахтнинг бешта шохи кўринишида бунёд этилади. Шунингдек, «Янги Наманган» шаҳарчасини қуриш ҳам режалаштирилмоқда.
Иккинчи фуқаролик ҳақида хабар бермаганлик учун жавобгарлик белгиланмоқда
Иккинчи фуқароликни олган шахсларга давлат органларига хабар бермаганлиги учун жавобгарлик белгиланиши мумкин. Олий Мажлис Қонунчилик палатаси депутатлари «қонунчиликдаги бўшлиқ»ни бартараф этишга қаратилган қонун лойиҳасини маъқуллади.
Onix ва Tracker ишлаб чиқаришни йўлга қўйишга 427 млн доллардан кўпроқ маблағ ажратилади
«Ўзавтосаноат» UzAuto Motors заводи базасида Chevrolet Onix ва Tracker автомобилларини ишлаб чиқаришни йўлга қўйиш учун 427,7 млн доллар йўналтиради. Лойиҳанинг 2022 йил сентябрида ишга тушиши кутилмоқда.
Ўзбекистонда хорижий давлатлар ҳарбий кадрлари тайёрланади
Президент қарори билан Ўзбекистон Мудофаа вазирлигининг олий ҳарбий таълим муассасаларида хорижий давлатлар ҳарбий кадрлари ўқитилади. Улар кириш имтиҳонларисиз ўқишга қабул қилинади.
«Коррупцияга қарши бутун жамоатчилик билан курашишимиз зарур» — Шавкат Мирзиёев
ЎзЛиДеПдан президентликка номзод Шавкат Мирзиёев ажратилаётган пулларни адолатли ишлатилиши учун жамоатчилик назорати кераклигини таъкидлади. «Чунки коррупция йўқ десак ёлғон бўлади, коррупция ичимизда юрибди. Коррупцияга қарши бутун жамоатчилик билан курашишимиз зарур», — деди у.
Ўзбекистон 8 ой давомида қарийб 15 мингта енгил автомобиль импорт қилди
Январь-август ойларида Ўзбекистонга қиймати 316,6 млн долларга тенг бўлган қарийб 15 мингта енгил автомобиль импорт қилинди. Автомобиллар импорти ўтган йилнинг мос даврига нисбатан 4350 тага камайган.
Коррупцияга қарши курашиш Тошкент шаҳар Кенгаши таъсис этилди
Тошкент шаҳар Коррупцияга қарши курашиш ҳудудий Кенгаши таъсис йиғилиши ўтказилди. Коррупцияга қарши курашиш бўйича таклифлар ишлаб чиқиш, маҳаллий давлат органлари раҳбарларининг ҳисоботларини эшитиш ва «Коррупциясиз соҳа» лойиҳасини амалга ошириш унинг асосий вазифаларидан этиб белгиланди.
5,2 млрд сўмлик ўсимликлар, португал мармари: Сенатнинг янги биноси реконструкцияси қандай кетмоқда?
Тошкент марказидаги Сенат биносини реконструкция қилиш доирасида президент Администрацияси «Қурилиш бирлашмаси» 5,2 млрд сўмга гуллар, 1 млрд сўмлик сувенирлар, португал мармаридан плиталар ва 1,1 млрд сўмлик устунли капитель, шунингдек, 105 млн сўмга немис винил гул қоғозлар (обой) ва бошқаларни сотиб олди.
12 ёшдан катта болалар коронавирусга қарши Pfizer вакцинаси билан эмланиши мумкин
Ўзбекистонда 12 ёшдан катта болалар шифокор кўригидан ўтгач, ота-оналар ва васийларининг розилиги асосида COVID-19`га қарши Pfizer вакцинаси билан ихтиёрий равишда эмланишга рухсат берилди.
«Мен муаллимнинг маошини 1000 долларга етказмагунча тўхтамайман» — Шавкат Мирзиёев
Шавкат Мирзиёев Фарғона вилояти сайловчилари билан учрашувда, агар президентликка сайланса, алоҳида таълим дастури қабул қилинишини ваъда қилди. «Мен муаллимнинг маошини 1000 долларга етказмагунча тўхтамайман», — деди у. Президентликка номзод тиббиётда янги тартибни жорий этиш режалари ҳақида ҳам гапирди. Унга кўра пул касалхоналарга эмас, балки беморларнинг ўзига ажратилади.
«Маҳаллага жуда кўп вазифаларни юклаб юборяпмиз» — Алишер Қодиров
«Миллий тикланиш» партиясидан президентликка номзод Алишер Қодиров сўнгги пайтларда маҳаллаларга жуда кўп вазифалар юклаб юборилаётганини танқид қилди. Унинг таъкидлашича, маҳалла аслида «одамларни бирлаштирадиган, маслаҳат, мулоқот қиладиган маскан бўлиши керак».
Фарғонада йилига 10 мингта электромобиль ишлаб чиқариш режалаштирилмоқда
Фарғонада электромобиль ишлаб чиқаришни йўлга қўйиш режалаштирилмоқда. Лойиҳа Central Asia Motors корхонаси негизида Хитойнинг Hong Kong ZRSC компанияси билан ҳамкорликда амалга оширилиши кўзда тутилган. Лойиҳанинг умумий қиймати 55 млн доллар.
Фарғонада «Эко шаҳар» ҳамда «Янги Ўзбекистон» боғи қурилади — Шавкат Мирзиёев
ЎзЛиДеПдан президентликка номзод Шавкат Мирзиёев Фарғона шаҳрида 300 гектар майдонда 40 минг аҳолига мўлжалланган замонавий «Эко шаҳар» барпо этишни таклиф қилди. Шаҳарчада 25 қаватгача бўлган уйлар, ижтимоий инфратузилма объектлари, 70 гектар майдонда «Янги Ўзбекистон» боғи бунёд қилинади.
UzAuto Motors янги Chevrolet Captiva сотувга чиқарилганини эълон қилди
UzAuto Motors 2022 йилги янги Chevrolet Captiva кроссоверининг тўртта комлектацияда сотилиши бошланганини эълон қилди. Нархлар 192,7 миллион сўмдан бошланади.
