«Ўзавтосаноат» компанияси UzAuto Motors заводи базасида Chevrolet Onix ва Tracker автомобилларини ишлаб чиқаришни йўлга қўйиш учун 427,7 млн доллар йўналтиришни режалаштирмоқда. Лойиҳанинг 2022 йил сентябрида ишга тушиши, қувватининг йилига 190 минг автомобилга тенг бўлиши кутилмоқда.
Ушбу рақамлар Инвестициялар ва ташқи савдо вазирлиги эълон қилган 2022−2024 йилларда Ўзбекистоннинг инвестиция дастури тўғрисидаги президент қарори лойиҳасида келтирилган.
Бундан ташқари, UzAuto Motors Powertrain заводида янги автомобиль моделлари учун ҳар йили 185 мингта двигатель ишлаб чиқаришни йўлга қўйиш режалаштирилмоқда. Ишлаб чиқаришни ташкил этиш учун 2020−2023 йилларда 190,8 млн доллар ажратиш белгиланган.
«Газета.uz» март ойида 2022 йилнинг тўртинчи чорагидан Onix, жорий йил тўртинчи чорагидан бошлаб эса янгиланган Tracker автомобилини маҳаллийлаштириш (аввалроқ локализация даражасини 60 фоизга етказиш режалари ҳақида хабар қилинган эди) режалаштирилаётган ҳақида хабар берган эди.
UzAuto Motors собиқ бош директор в. б. Рустам Ражабов Onix Ўзбекистондан 9−12 минг доллардан сотилишини маълум қилган эди. Февралда эса Бразилиядан Ўзбекистонга Onix автомобилининг синов намуналари олиб келинди.
