ЎзЛиДеПдан президентликка номзод Шавкат Мирзиёев наманганлик сайловчилар билан учрашув чоғида Афғонистон билан чегарадаги вазият бўйича ҳам тўхталиб ўтди. Бу ҳақда «Нигоҳ» Telegram-канали хабар берди.
Таъкидланишича, куни кеча ҳам давлат чегарасини бузиб ўтишга уриниш бўлган.
«Бир наркобарон ҳаракат қилди. Лекин биз дахлсизлик масаласида позициямиз қатъий, керак бўлса, чегарамизни ҳимоя қилиш учун қурол ишлатамиз», — дейди президент.
«Кечаги вазиятда ҳам ўз вазифасини шараф билан бажарган бир аскаримиз қаҳрамонларча ҳалок бўлди. У шу юрт фарзанди — наманганлик эди», — дея қўшимча қилди Шавкат Мирзиёев.
