Тошкентда «Тунги велосайр» фестивали ўтказилади
Тошкентда чоршанба куни кечқурун тунги «Тунги велосайр» фестивали бўлиб ўтади. Сайр Маҳтумқули ва Мирзо Улуғбек кўчалари кесишмасидан бошланиб, «Янги Ўзбекистон» боғигача давом этади. Барча велоспорт ишқибозлари иштирок этиши мумкин.
Камилов Пауэр билан Афғонистондаги вазият, коронавирусга қарши кураш ва сайловларни муҳокама қилди
Ташқи ишлар вазири Абдулазиз Камилов ва USAID маъмури Саманта Пауэр Афғонистондаги вазият, турли соҳалардаги ҳамкорлик ва президентлик сайловларини муҳокама қилди.
Тошкентнинг икки туманида кучли таъсир қилувчи дориларнинг ноқонуний савдоси аниқланди
Пойтахтнинг Чилонзор ва Яккасарой туманларидаги дорихоналарда тегишли ҳужжатлари бўлмаган кучли таъсир қилувчи «Регапен», «Тропикамид», «Зардекс» дориларининг ноқонуний савдоси тўхтатилди.
Савдо ва кўнгилочар кўчаларда жамоат тартиби хавфсизлиги кучайтирилади
Ҳукумат қарори билан ИИВ, ФВВ ва Миллий гвардияга савдо ва кўнгилочар кўчаларида қўшимча патруллик постларини ташкил қилиш, хизматга жалб қилинган отрядлар зичлигини ошириш, тадбиркорлик субъектлари мол-мулкини қўриқлаш вазифалари топширилди.
Деновда 109 туп дарахт кесилишидан етказилган зарар 65 млн сўм эмас, 995 млн сўм экани маълум бўлди
Сурхондарё вилоят экология бошқармаси Денов тумани марказида ноқонуний кесилган 109 туп дарахт учун 65 млн сўм миқдорида зарар ҳисоблади. Депутат Расул Кушербаевнинг сўровидан сўнг зарар қайта ҳисобланиб, аслининг унинг миқдори 995 млн сўм экани маълум бўлди. Ҳолат юзасидан жиноий иш қўзғатилди.
Мўйноқда яшовчи оилаларга 5 млн сўмдан тарқатилмоқда
Орол денгизи фожиаси оқибатларидан ҳаммадан кўп жабр кўрган Қорақалпоғистоннинг Муйнов туманида яшовчи ҳар бир оилага 5 млн сўмдан бир марталик ёрдам пули тарқатилмоқда.
Амударё орқали ўтадиган кўприкнинг қиймати — 174 млн доллар
Амударё орқали Хоразм вилояти Қорақалпоғистон Республикасини боғловчи кўприк қурилиши лойиҳасининг қиймати 174 миллион доллар. Президент мазкур қурилаётган кўприкни кўздан кечирди.
11,9 млрд сўмлик товарлар божхона расмийлаштирувидан олдин алмаштириб қўйилганлиги аниқланди
Давлат божхона қўмитаси республика ҳудудига олиб кирилган 11,9 млрд сўмлик товарларни божхона расмийлаштирувидан олдин алмаштириб қўйишга уриниш ҳолатини аниқлади. Маълумотга кўра, йил бошидан божхона органлари томонидан аниқланган 7700 та ҳуқуқбузарлик ҳолатида умумий қиймати 547 млрд сўмлик товарлар ноқонуний кўчирилишининг олди олинган.
Президентликка номзодлар мактабларда бепул овқатланишни таклиф қилишди
ЎзЛиДеПнинг президентликка номзоди Шавкат Мирзиёев Хоразмда ҳам 1−4 cинф ўқувчиларига бепул тушлик бериш жорий этилишини маълум қилди. ХДПнинг президентликка номзоди Мақсуда Ворисова бошланғич синф ўқувчилари учун бепул нонушталар ташкил этилиши ҳақида айтди.
Коронавирусга қарши эмланганлар 14 кундан кейин гриппга қарши вакцина олиши мумкин — СЭО
Миллий эмлаш календарига асосан, гриппга қарши эмланиш жараёнлари сентябрь-октябрь ойларидан бошланади. Санитария-эпидемиология хизмати бўлиб бошлиғи Рустам Икромов гриппга қарши эмланиш жараёнлари ҳақидаги саволларга жавоб берди.
Кетма-кет қиз туққани учун тазйиққа учраган каттақўрғонлик аёл ва унинг катта қизи ўз жонига қасд қилди
Каттақўрғон туманида «кетма-кет қиз фарзандлар кўргани» учун эри ва қайнонасининг тазйиғига учраб келган аёл ва унинг катта қизи ўз жонига қасд қилди. Улар ўлимида айбли деб топилган эр 7 йилга қамалди, қайнонага 4 йил озодликни чеклаш жазоси тайинланди. Аёлга ҳимоя ордери берилган бўлган.
Андрей Кубатиннинг оиласи 150 млн сўм миқдорида товон пули олади
Суд марҳум шарқшунос олим Андрей Кубатиннинг оиласига етказилган маънавий зарарни қоплаш тўғрисидаги даъвони қисман қаноатлантирди. Тошкент шаҳар Молия бошқармаси унинг яқинларига 150 млн сўм тўлаши керак. Оиласи эса даставвал 3,5 млрд сўм миқдорида товон пули сўраган.
«Битта айбим Тошкентда туғилмаганим эди» — президент «прописка» ҳақида гапирди
Президент Шавкат Мирзиёев бир вақтлар Тошкентда «прописка» олиш азоб бўлгани, унинг ўзи ҳам институтда фан номзоди бўлмагунча «прописка"сиз бўлганини эсга олди. «Битта айбим — Тошкентда туғилмаганим учун эди. Нима дегани бу? Адолат эмас-ку бу», — дея таъкидлади у.
Тошкентдаги Романовлар саройи биноси реконструкция қилинади
Маданият ва санъатни ривожлантириш жамғармаси Тошкентдаги Романовлар cаройи биносини реконструкция қилади. Унда, аввал хабар қилинганидек, музей жойлаштирилади, Ғарбий Европанинг рассомчилик коллекцияси, чинни буюмлар, интерер буюмлари ва бошқа қимматли санъат асарларини музейга қайтариш режалаштирилган. Саройнинг боғ ҳудудида жамоатчилик учун очиқ майдон барпо этилади.
Шаҳарсозлик ва лойиҳа ҳужжатларини экспертизадан ўтказиш қоидалари янгиланди
1 октябрдан шаҳарсозлик ҳужжатлари «Шаффоф қурилиш» миллий ахборот тизими, лойиҳа ҳужжатлари эса аккредитация қилинган эксперт ташкилотлари — юридик шахслар, «Шаҳарсозлик ҳужжатлари экспертизаси» ДУК ёки унинг ҳудудий филиаллари томонидан кўриб чиқилади.
«Газета.uz»да чиққан мақолалар:
11 йиллик қаровсизлик. Бухородаги театрнинг эски биноси авариявий ҳолатдан чиқишини кутмоқда
Садриддин Айний номидаги Бухоро давлат мусиқали драма ва комедия театри биринчи ўзбек профессионал театрларидан бири. Театрнинг эски биноси бир неча йилдан бери таъмирталаб, унинг ижодий жамоаси эса бошқа манзилда ўз намойишларини кўрсатади. Журналистика ва оммавий коммуникациялар университети 3-босқич талабаси Зиёда Алойиддин қизи театрнинг эски биноси янгисидан нимаси билан афзаллиги ва нега театр авариявий ҳолатдан ҳали ҳам чиқмаганлигини ўрганди.
