10 июнь куни Самарқанд вилояти Каттақўрғон тумани давлат солиқ инспекцияси бошлиғининг ўринбосари А.А. йўл-патруль хизмати ходимларининг зўравонлиги натижасида вафот этгани ҳақида хабар берган эдик.

Ҳуқуқ ҳимоячиси Абдураҳмон Ташанов инспекторлар унга нисбатан куч ишлатганини таъқидлаган. Ички ишлар вазирлиги эса солиқчини касалхонага олиб боришга уриниш пайтида соғлиғи кескин ёмонлашганини қайд этган.

Ҳолат юзасидан туман прокуратураси томонидан ЖКнинг 206-моддаси 1-қисми (мансаб ваколатидан четга чиқиш) билан жиноят иши қўзғатилиб, тергов ҳаракатлари бошланган эди.

Бош прокуратура матбуот котиби Хаёт Шамсутдинов «Газета.uz»га хабар беришича, жиноят иши бўйича тергов ҳаракатлари якунланди. Жиноят иши доирасида 2 нафар шахсга айб эълон қилиниб, «қамоққа олиш» эҳтиёт чораси қўлланилган.

14 сентябрь куни жиноят иши мазмунан кўриб чиқишлик учун судга юборилган.