Ленинград блокадаси хотираси билан боғлиқ ёдгорликлар Ашхобод ва Тошкентда пайдо бўлиши мумкин, бу ҳақда Санкт -Петербург маъмурияти матбуот хизматига таяниб ТАСС хабар бермоқда.
Таъкидланишича, душанба куни Санкт-Петербург губернатори Александр Беглов Россия Ташқи ишлар вазири Сергей Лавров билан ишчи учрашувда Туркманистон ва Ўзбекистондаги ҳамкорлари билан бу масалани ўрганиш ҳақида тўхталиб ўтган.
«Яқинда Манчестерда ёдгорлик тахтаси ўрнатилди. Олдинроқ Қирғизистон ва Арманистонда блокада болалари учун ёдгорликлар очилган эди. Уруш пайтида бу республикалар эвакуация қилинган Ленинградликларни қабул қилишган. Биз шерикларимиз билан биргаликда ҳозирда Ашхобод ва Тошкентда блокада монументларини яратиш устида ишлаяпмиз», — деди Александр Беглов.
