Бугун Токио-2020 Паралимпия ўйинлари доирасидаги пара-енгил атлетиканинг Ф12 классида аёллар ўртасида ядро улоқтириш бўйича финал баҳслари бўлиб ўтди.
Унда иштирок этган ўзбекистонлик Сафия Бурханова 14.78 метр натижа билан олтин медални қўлга киритди. Иккинчи ўрин италиялик Ассунта Легнатега (14.62) насиб этган бўлса, мексикалик Ребека Алварес (13.72) кучли учликка якун ясаб берди.
Маълумот учун, Сафия Бурханова Рио-2016 ёзги Паралимпия ўйинларида кумуш медалини қўлга киритган. Шу тариқа Ўзбекистон делегацияси ҳисобидаги медаллар сони 17 тага етди: 7 та олтин, 4 та кумуш ва 6 та бронза.
